Mei Liadabuach - Waunnsdt scho muaßd geh

Das ist die Seite von Gustav Freudmann / Mei Liadabuach

Waunnsdt scho muaßd geh

(If you gotta go, go now/Manfred Mann nach Bob Dylan)

Huach zua, weadte Dame!
Huach zua, wosd wissn soidst:
I dad jeds gean mid dia zsaumm bleibn,
fian Foi, doss du des a so woidst.

Nua waunnsd jeds sogsd, du muaßd geh, is scho guad!
Nua waunnsd sogsd, du muaßd geh, geh glei!
Sunsd loss i di heidt nimma fuadt!

Ned, doss i di desdtn wü,
i moch mid dia kan Gwis.
Nua hob i hoid ka Ua bei mia
und dauand frogsd wia schbäd dos is.

Nua waunnsd jeds sogsd, du muaßd geh, is scho guad!
Nua waunnsd sogsd, du muaßd geh, geh glei!
Sunsd loss i di heidt nimma fuadt!

I bin do nua_r_a oama Bua
wos ned allaa sei wü.
Nua wos i sicha ned brauch, is
dossd glaubsd i bfeifad auf dei Gfüh.

Nua waunnsd jeds sogsd, du muaßd geh, is scho guad!
Nua waunnsd sogsd, du muaßd geh, geh glei!
Sunsd loss i di heidt nimma fuadt!

I liegad woch de gaunze Nochd,
mei Gwissn blogad mi dazua.
Waunnsd wegn mia vasaman dasd
iagndwos und hesd deswegn ka Rua.

Nua waunnsd jeds sogsd, du muaßd geh, is scho guad!
Nua waunnsd sogsd, du muaßd geh, geh glei!
Sunsd loss i di heidt nimma fuadt!

Ned doss i jeds von dia wos woidt,
wosd goa ned kaunnsd gebn mia.
Oba jeds lieg i boid walad und du
findst im Finsdtan ned amoi de Dia.

Nua waunnsd jeds sogsd, du muaßd geh, is scho guad!
Nua waunnsd sogsd, du muaßd geh, geh glei!
Sunsd loss i di heidt nimma fuadt!